ក្រុមប្រទេស G7 នឹងផ្តល់វ៉ាក់សាំងចំនួន ១ ពាន់លានដូស
ប្រទេសអង់គ្លេសនិយាយថាក្រុមនៃប្រទេសទាំង ៧ ទំនងជាយល់ព្រមផ្តល់ជូនពិភពលោកនូវវ៉ាក់សាំងការពារកូរ៉ូណាវីរុសយ៉ាងតិច ១ ពាន់លានដូស ដែលជាផ្នែកមួយនៃកិច្ចប្រឹងប្រែងដើម្បីទប់ស្កាត់ជំងឺរាតត្បាតនេះ។
កិច្ចប្រជុំកំពូល G7 ដែលប្រជុំផ្ទាល់លើកដំបូងក្នុងរយៈពេលប្រហែល ២ ឆ្នាំនឹងចាប់ផ្តើមនៅរសៀលថ្ងៃសុក្រ ម៉ោងក្នុងស្រុកនៅក្នុងទីក្រុង Cornwall ភាគនិរតីប្រទេសអង់គ្លេស។
នៅក្នុងព្រឹត្តិការណ៍កិច្ចប្រជុំកំពូលនេះ នាយករដ្ឋមន្រ្តីអង់គ្លេស លោក Boris Johnson បានបង្ហាញពីចេតនារបស់លោកដើម្បីអំពាវនាវដល់បណ្តាមេដឹកនាំឲ្យជួយផ្តល់វ៉ាក់សាំងដល់ពិភពលោកទាំងមូលនៅចុងឆ្នាំក្រោយ។ លោកនិយាយថាចក្រភពអង់គ្លេសនឹងបរិច្ចាគវ៉ាក់សាំងយ៉ាងហោចណាស់ ១០០ លានដូស។
ប្រភព៖ សារព័ត៌មាន NHK News
បង្ហាញថ្ងៃទី : 06-16-2021