កាមេរ៉ា 8K បង្ហាញកោសិកាដែលឆ្លងកូរ៉ូណាវីរុស
ក្រុមអ្នកស្រាវជ្រាវជនជាតិជប៉ុនបានចាប់យករូបភាពមីក្រូទស្សន៍នៃកោសិកាដែលឆ្លងកូរ៉ូណាវីរុសនេះដោយប្រើកាមេរ៉ា Ultra-High Definition។
ក្រុមអ្នកស្រាវជ្រាវនៃសាកលវិទ្យាល័យ Osaka និងសារព័ត៌មាន NHK រួមគ្នាធ្វើការពិសោធន៍ដោយប្រើឧបករណ៍មីក្រូទស្សន៍អុបទិកបំពាក់ដោយកាមេរ៉ា 8K។
រូបភាពទាំងនេះបង្ហាញពីកោសិកាសត្វដែលលូតលាស់ចាប់ផ្តើមធ្វើវិរុបកម្ម ៤ ម៉ោង បន្ទាប់ពីពួកវាត្រូវបានចាក់បញ្ចូលដោយកូរ៉ណាវីរុស។ កោសិកាផ្សេងៗក្រោយមកបែកជាបំណែកៗ។
នៅពេលដែលរូបភាពត្រូវបានពង្រីក ទម្រង់ភាគល្អិតតូចៗពណ៌សត្រូវបានគេមើលឃើញនៅខាងក្នុងកោសិកាដែលឆ្លង។ ក្រុមនេះនិយាយថាបាតុភូតនេះអាចត្រូវបានផ្សារភ្ជាប់ជាមួយនឹងដំណើរការឆ្លងមេរោគ ឬការចម្លងមេរោគនៅខាងក្នុងកោសិកា។
សាស្ត្រាចារ្យរង Nakayama Emi បាននិយាយថាក្រុមរបស់គាត់អាចមើលឃើញព័ត៌មានលម្អិតដែលមិនស្គាល់ពីកោសិកាដែលបានឆ្លងពីមុន។ លោកស្រីមានប្រសាសន៍ថារូបភាពអាចមានប្រយោជន៍ក្នុងការវាយតម្លៃប្រសិទ្ធភាពនៃថ្នាំពេទ្យដែលត្រូវបានបង្កើតឡើងដើម្បីព្យាបាលការឆ្លងកូរ៉ូណាវីរុស៕
ប្រភព៖ សារព័ត៌មាន NHK
បង្ហាញថ្ងៃទី : 05-04-2021